GENERAL SANTOS CITY – Mas daghan ang natalang bag-ong kaso sa COVID 19 sa Region 12 itandi sa nakarekober samtang adunay usa nga nadugang sa ihap sa nakabsan sa kinabuhi tungod sa maong sakit.
Base sa labing ulahing report sa DOH – Center for Health Development Soccsksargen Region 12, ang mga bag-ong natakdan ang mukabat sa 70 kung sa 11 gikan sa GenSan, 32 sa South Cotabato, 11 gikan sa Sarangani og duha sa Sultan Kudarat, 14 sa Cotabato Province.
Gumikan niini, aduna nay 2,451 ang kaso sa COVID 19 sa GenSan, 141 ang active cases og 90 ang patay.
Sa South Cotabato adunay 2,231 ka kaso, 324 ka active cases og 56 ang nakabsan sa kinabuhi.
Sa North Cotabato adunay 1,182 ang kaso, 99 ang active cases og 67 ang npatay .
Sa Sultan Kudarat adunay 758 ka kaso, 45 ang active cases og 20 ang patay.
Sa Sarangani adunay 680 ka kaso, 31 ang active cases og 18 ang patay.
Sa katibuk-an may 7,302 na ang COVID-19 confirmed cases sa SOCCSKSARGEN region, 640 (8.76%) ang active cases, anaa sa 6,404 (87.88%) ang recoveries og 251 (3.44%) ang COVID-19 related deaths.
