-- ADVERTISEMENT --

GENERAL SANTOS CITY – Nasuta nga gidula-dulaan matud pa sa usa ka private bodyguard ang iyang pusil og gitutok sa iyang ulo nga bahin og dayon mibuto samtang anaa sa Nerri Vila Prk San Isidro ning dakbayan.

Giila ang biktima nga si Ronaldo Abellena Dela Cruz, hamtong ang pangidaron. Sa pakighinabi sa Bombo Radyo, gibutyag ni Randy Ortega kaila sa biktima nga aksidente og dili tinuyuan ang pagkapusil ni Dela Cruz sa iyang kaugalingon nga nagresulta sa iyang hinanaling kamatayon.

Gibutyag usab niini nga niabot ang biktima sa ilang lugar kung asa hubog ang nasampit og ginalimpyohan og ginadula-dulaan matud pa ang 9mm pistol.

Gition sa biktima ang armas sa iyang sintido og paspas ang panghitabo tungod nakit-an na lamang niya nga nagbuyo-od na sa yuta og nagkadugo ang ulo nga bahin sa biktima human kini makadungog og buto sa pusil.

Sumala sa kapulisan nga nakaangkon ug grabeng samad ang biktima hinungdan nga diha-diha namatay gilayon og wala na madala sa tambalanan.

-- ADVERTISEMENT --