GENERAL SANTOS CITY – Padayong gapangita ang mga pamilya sa tulo katao nga missing pipila ka adlaw na ang nakalabay.
Matud ni Risa Reconcillo, kaniadtong Aug 19 nagpaayo sa motorsiklo kulay itum ang anak niining si Partrick 16 anyos sa mekaniko nga si John Mark Impan apan wala na makauli sa ilang balay hangtod karon.
Gibutyag sa maong inahan nga ang anak ang nakasuot og itum nga sinena, naka-tsinelas og short pants.
Naadtuan na nila ang halos tanang estasyon sa kapulisan sa GenSan og nakaabot na usab sila sa Polomolok South Cotabato apan wala pa silay nakuha nga impormasyon kung asa na ang duha.
Samtang, nanghinaut si Villa Alagon nga taga Prk 1 Mabuhay ning syudad nga makita na ang iyang bana nga si Arman Graho human nga namissing kaniadtong Abril 20 og hangtod karon wala pa usab makauli sa ilang balay.
Nilakaw ang iyang bana niadtong higayuna aron mamalit og karne apan wala na makabalik sa ilang balay.
Naka-short, tshirt, nakasul-ob og relo og nagkalo nga kulay maroon ang bana niini.
Gisaysay sa asawa nga may ginapangandaman nga derby ang iyang bana una nawala.
