GENERAL SANTOS CITY – Mipasalig na ang Social Housing Finance Corporation sa dakbayan sa Heneral Santos nga sugdan na karong tuiga ang pagtukod sa mga gambalay sa relocation sa mga residente sa Purok Tinago, Dadiangas South.
Matud pa kang Mary An Bacar, ang department head sa City Housing and Land Management Office kon CHLMO nga dili pa makasugod sa paghimo og gambalay ang contractor kung walay letter of guarantee gikan sa Social Housing Finance Corporation.
Sa pamahayag ni Bacar nga oras nga may mahuman nga balay bisag 20 ka buok pwede na magbalhin ang mga residente og dili hulaton nga mahuman ang tanan.
Kahinumduman nga gihatagan og prayoridad ang Tinago gumikan mas delikado ang ilang lugar. Ang mga nasampit ang ibalhin sa Lanton, Apopong ning syudad.
