GENERALSANTOS CITY – Nakig-alayon na ang Bureau of Custom sa dakbayan sa Heneral Santos sa shipping line alang sa gipahigayong imbestigasyon kalabot sa pakadiskubre cocaine sulod sa empty container van nga gipailalom sa maintenance inspection.
Kahinumduman nga may kabug-anaa sa 356.89 gramos ang kabug-aton sa cocaine nga nagkantidad og P1.8 million ang nadiskubre nga gitago sa aircon compartment sa container van nga nahimutang sa container yard sa Labangal ning syudad.
Matud pa ni Bureau of Customs (BOC) Port Collector Elenita Abaño, base sa ulahing imbestigasyon ilang nasuta nga naggikan sa Australia ang barko nga mikarga sa container van.
Apan wala pa nila masayran kung may kargamento ba kini o wala dihang mipadulong sa Singapore.
Gikan sa Singapore milahos ang barko sa Davao karga ang ’empty reefer container van dayon mipadulong sa GenSan.
a pamahayag usab ni Philippine Drug Enforcement Agency (PDEA) 12 regional director Naravy Duquiatan, adunay task group alang sa imbestigasyon nga ipahigayon kung asa sa pagkakaron mitutok sa back tracking sa travel history sa container vans og posible nga mga personalidad nga nga nalambigit sa cocaine smuggling.
