GENERAL SANTOS CITY – Nagpadayon ang gihimong pag-ila sa kapulisan sa cultivators sa kapin 10,000 ka punu-an sa marijuana nga nadeskubrehan sa Sitio Alyong, Danlag, Tampakan, South Cotabato.
Kini human ang malampuson nga pag-ibut sa kapulisan sa miaging mga adlaw.
Matud ni Lt. Col. Lino Capellan, nga misaka sa lugar ang kapulisan sa alang sa pagpahigayon ug internal secutiry operations dihang naagi-an ang lapad nga plantasyon sa marijuana.
Pagbana-bana sa kapulisan nga anaa sa P400,000 ang kantidad sa marijuana ang naibut ug gisunog sa lugar.
Gikadugang pa sa opisyal nga kabahin sa naibut nga mga punu-an sa marijuana ang gidala sa presento aron ipahigayon nga ceremonial burning atubangan sa municipal police station.
May person of interest na ang kapulisan kung kinsa ang tag-iya sa plantasyon sa marijuana apan gipugngan una aron dili mabulabog ang action sa mga otoridad.
