GENERAL SANTOS CITY – Hustisya ang singgit sa pamilya human nga napusilan patay ang usa ka biktima sa Fatima ning dakbayan sa miaging Huwebes sa gabii.
Ang biktima ang nailhan sa pangalan nga si Leomar Tagalog Alegado, 31 anyos residente sa Block 19, Barangay Fatima, ning syudad.
Gibutyag ni P/Capt Helbron Okoren, hepe sa Fatima Police Station nga kanhi napriso ang maong biktima nga bag-o lang nakagawas sa prisohan.
Matud ni Okoren nga anaa lamang terrace ang biktima sa dihang miabut usa ka tawo sakay sa kulay itum nga motor nga walay plate number.
Daghan ang nakalitan tungod sunod-sunod nga buto sa pusil nga nadunggan ug dihang mipahawa na ang suspek.
Nabilanggo si Alegado nga usa ka bayot gumikan sa ilegal nga droga.
Sa pamahayag sa pamilya nga nagbag-o na si Alegado human nabilanggo kung asa wala na nagkuyog sa iyang mga barkada.
Ang Fatima PNP ang hugot nga gaimbestiga sa tanang anggulo kalabutan sa maong insidente.
