GENERAL SANTOS CITY – Gipangsulod sa mga welgista dili lang mga Mall apil mga night market sa Hongkong hinungdan sa miinit samut ang sitwasyon sa nahisgutang lugar.
Kini ang paghulagway ni Annie Prayor Gornes nga usa ka OFW nga atoa sa Kolontong area sa Hongkong.
Tanan matud pa apektado kay lusot lusot na ang mga welgista nga kasagaran mga estudyante gikan sa nagkalin-laing unibersidad .
Gibutyag niini nga duol lamang siya nagpuyo sa Hongkong University nga giokopa sa daghang estudyante nga mga welgista nga nagkontrola sa maong unibersidad nga naghimo ug barikada, nagpahigayon ug rally ug miguba sa mga dalan hinungdan naglisod pag-agi ang mga sakyanan apil ang MTR.
Matud niini nga misamot ang sitwasyon tungod miapil na ang ubang nasud hingdan sa pag-init sa sitwasyon.
Alang kanila nga mga OFW dili na luwas ang sitwasyon kini tungod miabiso ang konsulada nga dili muagi sa mga lugar nga adunay welga.
Apektado usab ang ekonomiya tungod gikontrola sa mga raliyesta ang daghang shopping mall ug mga night market.
Giokopa usab sa mga batan-on nga raliyesta ang ang sikat nga Polythechnic ug Chinese University .
Matud niini nga bisan asa na lamang nga lugar sa Hongkong adunay init nga tensyon.
