GENERAL SANTOS CITY – Iduso sa komitiba ni Kagawad Jeng Gacal nga sunod nga session sa Sangguniang Panlungsod ngadto sa first reading ang sugyot nga i-revoke ang concurrence nga gihatag sa dakbayan sa operasyon sa Small Town Lottery (STL).
Matud pa ni Gacal nga maoy chairperson sa Committee on Games and Amusement sa konseho nga kini gumikan wala miadto sa gipatawag nga investigation in aid of legislation ang Philippine Charity Sweeptakes Office (PCSO) og ang Trento Gaming Corporation human nga mipasalig sa miaging semana nga ipresenta ang mga dokomento nga magpamatuod nga nakabayad sa mga utang o unsang rekositos nga kinahanglanon base sa kamanduan ni Pangulong Duterte.
Subli nga ipatawag sa konseho ang mga nasampit og kung dili gayud magtambong isumiti niini sa second reading og anaa na sa kamot sa mga city councilors ang desisyon.
Sa bahin ni Kagawad Liklik Tan, vice chairperson sa Committee on Games and Amusement nga wala gayud nagpahibalo ngadto sa SP ang PCSO og Trento nga may mahinungdanong adtuan sa schedule sa hearing.
Sa iyang pamahayag nga nagpakita kini nga walay respito sa konseho.
Nasayran nga kapin na sa 200 ang STL outlets kaaron sa syudad.
