GENERAL SANTOS CITY – Negatibo sa paraffin test ang pulis nga gitudlong person of interest sa pagpapusil sa usa ka lalaki sa Xplore Bar sa miaging semana.
Sumala pa ni Police Colonel Aden Lagradante ang city director sa General Santos City Police Office (GSCPO) nga negatibo ang parrafin test apan wala pay resulta ang ballistic test.
Hinuon wala matud pa miundang ang Lagao Police Station sa pagpangita ug circumstancial evidence lakip na testigo tungod wala pay mutudlo kang PSsgt. Clifford Randel Bayandan, intel officer nga sya ang mipusil kang Jay napalit.
Apan gisiguro usab ni Lagradante nga gihimo tanan sa Lagao Police Station ang patas nga imbestigasyon ug kon tinuod ang maong pulis ang may salaud, pasakaan gayud kini ug kaso.
Sa pagkakaron nagpabilin sa City Police Holding and Accounting Unit (CPHAU) ang naasoyng pulis.
Kahibaluan nga gisirad-an na ang Explore bar tungod sa kamatayon sa duruha ka biktima.
