GENERAL SANTOS CITY – Magpatawag pa ug tigum sa taga PCSO si Gensan Mayor Ronnel Rivera human nakadawat ug memorandum sa pagbalik sa operisyon sa small town lottery.
Kini aron hisgutan ang guidelines sa subli nga pag operate sa mga STL outlets nga posebli nga matigayon karon nga semana.
Dungan sa pagkumpirma sa Mayor nga mibalik na ang pag-abli sa mga outlet human nakadawat ug kopya sa memorandum gikan kang PCSO General Manager Hamak.
Gikadugang usab sa Mayor nga maghimo pa ug guidelines ang syudad kalabutan sa pagdugang sa outlet dinhi sa dakbayan kini human midako ang bond nga gibayaran sa STL operator didto sa PCSO hinungdan nga posebling dugangan ang unang 110 ka outlet dinhi sa dakbayan.
Kagahapon atul sa sesyon pulos giangkon sa mga Konsehal ug kapulisan sa syudad nga wala sila masayod nga mibalik na ang operisyon sa STL sa syudad.
