GENERAL SANTOS CITY – Mihangyo ang Gensan Tourism Council ngadto sa publiko nga makig-alayon sa lokal nga gobyerno aron mapreserba ang mga World War II Japanese bunkers o Japanese structures .
Sa pakighinabi sa Bombo Radyo GenSan, gibutyag ni Arnel Pedrosa sa Gensan Tourism Council nga 44 ka ang mga Japanese bunkers nga natala sa dakbayan kung asa ang 33 ang may GPS na ning higayona.
Gibutyag ni Pedrosa nga base sa pamahayag sa mga eksperto gikan sa National Comission on Culture and Arts (NCCA) nga ang dakbayan ang may labing daghang Japanese bunkers sa tibook Pilipinas
Nasayran nga ang mga semento nga gigama sa maong Japanese bunkers ang gikan sa Cebu. Kini gumikan may mga nakit-an nga putos sa semento sa maong Japanese bunker nga gikan pa sa Cebu.
Usa na ka dekada nga sugod nga gitala sa syudad ang maong Japanse bunkers apan ning ulahing mga tuig nahimong hugot ang kampanya sa LGU nga kini mapreserba alang sa turismo.
Busa sila ang gapanawagan sa makig-alayon ngadto sa Gensan Tourism Council kung adunay mga Japanse bunkers pa nga wala natala hangtud karon.
Nasuta nga ang Barangay Buayan sa syudad ang labing daghang Japanese bunkers nga nakit-an.
Adunay makit-an sa Baluan, Bula, Mabuhay, Ligaya og uban pa.
Labing daghan ang Japanese structures sa Buayan gumikan sa maong panahon mao ang sentro sa komeryso.
Ang sa Ligaya mao ang labing dako sa tanan nga gituohan nga ilang ospital.
Gibutyag ni Kag. Dong Gonzales sa Bula nga may koordinasyon sila na sila sa mga residente sa lugar nga dili hilabtan gumikan dakong parte sa kasaysayan sa syudad og mahimong tourism site sa sunod nga mga adlaw.
Nasuta nga sa GenSan naghimo og daghang Japanese structures ang mga Hapon sa panahon sa ikaduhang gubat sa kalibutan gumikan base sa ilang plano nga sa pagbalik sa Pilipinas ni Gen MacArthur sa syudad magdunggo ang ilang barko apan nausab og didto sa Leyte.
Ang syudad ang nagmugna na og Conservation Management Plan nga nakahan-ay dinhi ang plano kalabutan sa mga Japanese structures
