GENERAL SANTOS CITY – Gihingusgan ni Atty. Micheal Abas, regional director sa Comelec 12 nga pwede nga magpapili sa matigayong special election karong Oktobre 26 , 2019 adlawng Sabado alang sa pagkakongresista sa dakbayan kadtong mga napildi o midaog sa miaging Mayo nga piniliay.
Matud pa ni Abas nga may posibilidad nga daghan ang magpapili alang sa maong posisyon.
Ang filing sa Certificate of Candidacy (CoC) ang gikatakda sa Agosto 26 hangtud 28, 2019 nga ang kandidatura ang isumiti sa sa provincial office sa Comelec sa Koronadal City.
Gibutyag pa niini nga automated gihapon ang election kung asa pareho gihapon ang gidaghanon sa mga magserbisyo nga mga Board of Election Inspectors (BEIs).
Gikadugang pa niini nga ang basehan nga mga botante kadtong Mayo 2019 election.
Nasayran nga gikansela sa Comelec ang election sa miaging Mayo 2019 sa pagka-kongresista gumikan magpahigayon og special election.
Base sa bag-ong balaod nga ang unang distrito sa South Cotabato mao ang Polomolok, Tupi og Tampakan kung asa nagbulag na ang Gensan nga magpili usab og kaugalingong kongresista.
