GENERAL SANTOS CITY – Angayang magsilbing wake up call alang sa mga ginikanan ang taho may kalabutan sa mga suicidal apps sama sa blue whale ug momo challenge nga sagad ang mga bata ang nahimong biktima ug ginaawhag silang sakiton ang kaugalingon ug isig-kaingon.
Kini ang gibutyag ni Police Major Leo Deofiles, Chief ng PNP Anti-Cybercrime Group 12, sa pakighinabi sa Bombo Radyo GenSan.
Matud pa, posibleng gituyo sa paghimo ang naasoy’ng mga suicidal apps sa una mabng grupo o tawo, nga dili sayon mapanas o matangtang sa internet.
Mga bata matud pa ang target gumikan sila ang pinaka-vulnerable ug sayon hadlukon o mailad.
Aminado ang nasampit nga opisyal nga wala pa nakakita ug video kalabot sa naasoy’ng challenge, apan tambag niini sa mga ginikanan nga bantayan kanunay ang mga anak hilabi na sa paggamit ug gadgets ug internet.
Apan matud kang Deofiles, ang labing maayong pamaagi aron malikayan nga mahimong biktima ang mga anak mao ang paghatag kanilaug paigong oras ug panahon kanila.
Mas maayo matud pang ibalik ang kanhing kultura sa pagpadako sa mga anak, pinaagi sa pakig-istorya ug paggiya kanila, ug dili isalig sa mga gadgets ug internet.
