GENERAL SANTOS CITY – Na-commit na sa South Cotabato Rehabilitation and Detencion Center ang dinakpan nga gikaingon sa PNP og AFP nga Front Secretary og notoryos nga communist leader sa New Peoples Army.
Kahinumduman, Lunes sa gabie, Setyembre 24 dihang gidakop ang nagpangalan og Ofelia Frontreras Buanho A.K.A Mommy Dekay.
Sa pag-atubang sa tag-as nga mga opisyal sa PNP og AFP, giklaro nga gidakop ang nahisgutan tungod sa kaso niining murder, rebelyon og arson.
Matud kang P/C/Supt. Eliseo Tam Rasco, regional director sa police Regional Office 12, ang pagkaaresto kang Mommy Dekay resulta sa hugot nga surveillance nga gipahigayon sugod niadtong Hunyo, 2018.
Nasayran nga taga Bansalan Davao del Sur og miadto sa Surallah South Cotabato alang sa matud pa planong destabilization plot batok sa gobyerno.
Tungod sa pagkaaresto kang Mommy Dekay, napugngan ang matud pa planong pag-aklas batok sa gobyerno o mas naila sa ‘code name’ nga ‘Red Octobter’ aron palagputon sa pwesto si Pangulong Rodrigo Duterte..
