GENERAL SANTOS CITY – Wala gipadaplin sa PNP-Region 12 nga posibleng ‘revenge’ o pagpanimalos matud pa sa asawa ni Maute Terror Group leader Owayda Marohombsar alyas Abu Dar ang natigayong pagbusikad sa Crossing Makar, Brgy. Apopong, GenSan kagahapon nga gikaangol sa walo katao.
Sa pakighinabi sa Bombo Radyo, gibutyag ni PNP-12 Director Eliseo Tam Rasco nga lisod nga gilayon sila nga mag-conclude kabahin niini.
Apan abli sila sa tanan sa posibilidad nga pwedeng usa kini sa anggulo nga tan-awon sa kapulisan sa padayong imbestigasyon may kalabotan sa panghitabo.
Tan-awon usab sa kapulisan kung konektado ang pagbusikad sa IED sa GenSan sa Isulan bombing.
Nagtuo usab siRasco nga wala pa makagawas sa syudad ang mga responsable bisag wala pa mailhan ang mga nahisgutan.
Kahinumduman, nagtago og nadakpan sa mga otoridad si Nasifah Pundog sa Brgy Apopong tungod sa kasong paglapas sa Sec. 3 sa RA 9516 o Illegal Possession of Explosives.
Pipila ka semana nga kustodiya sa GSCPO ang high risk detainee nga si Nasifah niadtong bulan sa Agosto una hingpit nga gibalhin og bilangguan sa Kauluhan
