GENERAL SANTOS CITY- Gipahimangnuan sa PNP Regional Internal Affairs Service ang mga kapulisan sa tibuok rehiyon, kalabot sa pagprenda sa ilang mga ATM card.
Kini human nagpahigayon ug kalit nga inspeksyon mga sakop sa RIAS sa pagpanguna ni Police Chief Insp. Noel Diagan, kung asa upat ka sakop sa Lagao Police Station ang nasampolan ug nabutang sa alanganin human maaktuhan nga wala sa ilang poder ang ilang ATM card.
Pahimangno sa nasampit nga sa opisyal nga ilaha usab sudlon ang uban pang mga presinto ug pangita-on ang ATM card sa mga pulis.
Matud pa nga dili pwedeng iprenda ang ATM card sa kinsa mang sakop sa PNP tungod susama kini sa armas nga giisyu sa mga nahisgutan nga dili gayud angayang ibiya kanila.
Gawas niini, kon maprenda ang maong butang, magkulang na ang take home pay sa mga pulis, nga posibleng magresulta sa pagpangotong. Hinungdan nga angayan matud pang ampingan sa mga pulis ang ilang ATM card.
