GENERAL SANTOS CITY – Nagpadayon ang hugot nga kampanya sa kapulisan sa mga loose firearms.
Gi-awhag ni P/C/Supt. Marcelo Morales, regional director Police Regional Office 12 ang mga sibilyan ingon man taga gobyerno nga boluntaryong isurender sa otoridad ang pusil nga walay mga daokumento ug ang wala ma-renew.
Lakip sa kampanya nila ang kadtong mga pusil nga gihuptan sa mga Barangay, sama niadtong sa mga barangay tanod nga wala usab mga lisensiya.
Gibutyag ni Gen. Morales, kabahin sa ilang kampanya batuk sa loose firearms ang Oplan Katok.
Kini usa ka programa sa PNP sa tanang katawhan nga wala naka-renew sa ilang pusil kung asa ilang aplayan og search warrant.
Ginakumpiska sa kapulisan ang pusil og pasakaan ug kaso kon masuta nga walay paigong papeles og lisensiya ang pusil.
