GENERAL SANTOS CITY – Nag-courtesy call na sa GenSan City Council ang bag-ong PNP city director nga si Police Senior Supt. Raul Supiter.
Atul kini sa regular session ning adlawa sa Sangguniang Panglungsod.
Nasayran nga si Supiter miyembro sa PNPA Class 91, ug classmate sila sa ni Col. Maximo Layugan nga kanhi usab nahimong city director sa GenSan, una gipulihan ni S/Supt. Ruel Berango.
Sa iyang pagpamulong, gipasalig ni Col. Supiter nga mamahimong sinsero sa iyang trabaho isip labaw sa General Santos City Police Offfice, apil na tanan niyang mga sakop.
Gipasalig usab niyang tutukan ug aksyunan ang mga nag-unang problema sa siyudad kalabutan sa mga children in conflict with the law, iligal nga droga, ug mga kaso sa pagpamusil dinhi sa siyudad.
