GENERAL SANTOS CITY – Nagmalampuson sa paglibot-suroy si PRO 12 Director Polce Chief Supt. Marcelo Morales kuyog ang tanang chief of police sa mga pampublikong lugar sa dakbayan.
Unang giadtuan ang Bulaong terminal pasado ala 1:00 sa hapon, Sabado, kung asa gisulod mismo ni Gen. Morales ang mga bus ug gihinabi ang mga pasahero.
Gani, ang mga bus drivers ang gipangitaan ug drivers license lakip ang dokumento sa bus.
Ikaduhang giadtuan ang mga malls sa syudad kung asa gibutyag niini nga gibutangan ang upat ka mall ug police assistance center aron adunay dali nga maduolan ang publiko panahon nga kinahanglang ug assistance.
Gibisitahan usab ang mga simbahan, GenSan Airport ug pantalan sa Makar.
Gibutyag ni Morales, tumong sa ocular inspection kaabag ang uban pang ahensiya sa gobyerno aron masuta ang seguridad ug kaluwasan sa mga pasahero nga muoli sa ilang tagsa tagsa ka lugar atol sa Semana Santa
Sumala pa ni Morales, sa karon pa lang kapin sa 200 PNP personnel na ang gideploy sa nagkadaiyang vital installations sa GenSan og madugangan kini samtang gapaduol ang semana santa.
