GENERAL SANTOS CITY – Gikalipay sa labaw sa kapulisan sa Rehiyon dose nga lampas na sa katunga gikan sa anaa sa drug watchlist ang nagsurender.
Matud pa kay PNP 12 Regional director P/Chief Supt. Marcelo Morales nga sa 349 ka mga personahe nga anaa sa drug watchlist mukapin na sa 200 ang boluntaryong nagsurender sa kapulisan.
Apan giklaro ni Morales nga padayon ang ilang monitoring sa mga nasampit.
Kon nasuta nga kadtong mga nagsurender ang mibalik sa ilegal nga paggamit sa droga o nalambigit sa mga gimbuhaton nga may kalabotan sa druga ang pahigayunan nila og operasyon o bisitahon subli aron subling kumbisihon nga hingpit ng muondang.
Nanawagan si Gen. Marcelo sa wala pa nagsurender nga magbag-o na gumikan ang gihimo sa gobyerno ang alang sa katawhan.
Nakig-alayon na PNP 12 Regional director sa nagkadaiyang ahensya sa gobyerno aron mahatagan og livelihood projects ang mga drug surenderees.
