GENSAN – Naglaglaganay na usab ang mga grupo sa drugista dinhi sa dakbayan.
Kini ang gibutyag sa Bombo Radyo ni Police Chief Inspector Nestor Maderse, hepe sa Pendatun Police Station.
Ug gani, usa kini sa mga ginatan-aw nga anggulo sa kapulisan, sa pagpusil-patay sa negosyante nga si Francisco Soria Jr., residente sa Isabella Homes, Brgy San Isidro ning siyudad.
Sumala pa nga luyo nga dili nila maingon nga may direktang kalambigitan sa iligal nga droga si Soria, apan posibleng naangin matud pa kini sa paglaglaganay sa mga grupo sa drugista.
Kahinumduma nga base usab sa pakighinabi sa Bombo kang Police Sr Insp. Ananias Vazquez, gibutyag niini nga naapil ang biktima sa listahan sa San Isidro Police station sa mga drug personality.
Gani gikumpirma niini nga nalambigit sa drug trade ang biktima basi usab sa nakuha nila nga kasayuran.
Anaa matud pa sa directorate for drug watch ang pangalan sa biktima. Ug gani, gibutyag sa usa ka dinakpan sa nasapit nga presinto nga nalambigit sa droga si Soria, nga kini pa mismo maoy gakuha ug droga sa Cotabato area ug dad-on dinhi sa dakbayan.
Sa karon, nanghinaot ang kapulisan nga matumbok ang mga ulahing nakatransaksyon sa biktima pinaagi sa cellphone niini nga na-turnover na sa cybercrime office.
