POLOMOLOK, SOUTH COTABATO- Gimanduan karon ni Cotabato Governor Daisy Avance Fuentes ang South Cotabato PNP sa pagpanguna ni South Cotabato Police Provincial Director Senior Supt. Franklin Alvero nga gilayong sayron ang nagpaluyo sa pagpamusil patay sa opisyal og sa tulo pa ka biktima nga namatay samtang upat kato ang samdan sa Polomolok, South Cotabato.
Sa pakighinabi sa Bombo Radyo, gibutyag ni PD Alvero nga nahimong aktibo si S/Insp. Hernan Gabat, ang deputy chief of police sa Polomolok Municipal Police Station sa war on drugs og nagsilbi usab nga intelligence officer hinungdan nga dako ang posilidad nga droga ang motibo sa pagpamusil kaniya.
Una niini gibutyag ni Chief Insp. Aldin Gonzales, hepe sa maong presinto nga may kalabutan sa trabaho ang pagpamusuil patay kay Gabat.
Pagkakaron, nakabutang sa half mast ang bandera sa nasud sa Polomolok police station aron ipakita ang pagkonden og pagbangutan sa kamatayon sa ilang kauban.
Alayun niini, gipapa-amping sa PRO-12 ang mga pulis nga aktibo sa war on drugs.
Sa talaan mukabat na sa 24 ang shooting incident sa Polomolok nga ang ulahi mao ang pagpamusil patay kay Gabat.
