GENERAL SANTOS CITY – Anaa na karon sa kamot ni Iloilo City Mayor Jed Patrick Mabilog kung positibo nga dawaton o ipadayon ang hinimuan human nga gi-warningan na ni Pangulong Rodrigo Duterte nga muhunong sa pagprotekta sa drug lords.
Alang kay Kag. Beth Bagonoc, kon siya ang pasultion sa dagan sa nahitabo karon nga gibalhin na sa lungsod sa Iloilo si PCI Joven Espinedo gikan sa Ozamiz City, tan-aw niini nga kini usa ka warning kay Mayor Mabilog nga muondang na sa iyang kalambigitan sa droga.
Gikabalak-an ni Kag. Bagonoc nga basin masusama ang madangatan ni Mayor Mabilog ngadto kay Ozamis Mayor Aldong Parojinog og kang Albuera Rolando Espinoza.
Ang pagbalhin kay Espinido sa mga lugar nga gitumbok na sa Pangulo nga katap ang kalihukan sa droga sama didto sa Iloilo kon asa OIC na karon si Espinido magsilbing warning unta dili lamang sa mga mayor sa tibuok nasud apan lakip sa mga local officials nga nalambigitt usab sa droga.
Kahibaluan nga si Espinido ang nadestino kaniadto sa Ozamis kon asa si Mayor Parojinog ang napatay sa drug operation sa PNP og dihang nabalhin sa Albuera Leyte, napatay gihapon si Albuera Mayor Espinoza sa draug operation.
