GENERAL SANTOS CITY – Gihingusgan ni Executive Director Jose Joel M. Sy Egco sa Presidential Task Force on Media Security nga i-activate dinhi sa dakbayan ang gitawag nga kon asa usa sa magtutok kalabot sa media killings sa Socsargen.
Matud sa opisyal, usa ang Socsargen sa mga rehiyon sa tibuok nasud nga ‘problematic’ gumikan sa taas ang ihap sa natalang kaso sa media killings.
Sa pahayag ni Egco, basi sa ilang rekord, ika-14 si Leo Diaz sa napatay nga mediaman sa Socsargen. Gibutyag ni Egco nga gustong makaistorya ang mga local officials, og PNP dinhi sa dakbayan aron daling ma-activate ang Local council task force.
Samtang gispasalig ni Exec. Dir. Egco ang paghatag ug ayuda o unsang suporta sa nahibiling pamilya ni Diaz.
Gawas pa niini ang pag-pressure sa mga kapulisan nga maresolba gilayon ang kaso og mailhan ang mga nagpaluyo o ilhanan sa mga suspek.
