GENERAL SANTOS CITY – Wala gihapon natuldukan ang kalabot sa isyu sa Small town lottery kon STL dinhi sa dakbayan human nga subling gihisgutan sa Sangguniang Panglunsod atol sa sesyon kagahapon.
Atol sa privelege hour ni Kagawad Jeng Gacal, gibutyag niini nga wala niya gikwestyon ang business permit sa STL og ang SP resolution nga naghatag ug pagtugot sa operasyon sa STL.
Gikwestyon ni Gacal nganong gikalibgan matud pa ni OIC PNP Director Ssupt Ruel Berango ang duha ka mga balaod kung asa ang tumanon.
Kagahapon, wala kapugngi ni Kag. Gacal nga padunggan dunggan si Berango.
Kahibaluan nga wala nauyonan ni Gacal ang tubag sa GSCPO sa resolosyon nga gamando kang Berango nga ipaundang ang operasyon sa STL sa syudad.
Kini gumikan kinahanglan pa nga legal opinion sa legal department sa PNP.
Kahibaluan nga pipila na ka bulan ang maong isyu og wala pa natuldukan.
Nasayran nga gikatakdang mahidangat sa dakbayan ang PCSO aron magpaklaro sa maong hisgutanan.
