GENERAL SANTOS CITY – Gipasalig sa bag -ong lingkod nga City PNP Director sa General Santos City Police office nga himuon ang tanang makaya sa bag-ong posisyon nga gisangon kaniya.
Matud sa opisyal, tutukan sa pagserbisyo nga mapabilin ang kalinaw og kahapsay sa dakbayan.
Gibutyag ni Police Senior Superintendent Romeo Ruel Berango nga makig-alayun siya sa tanang sektor aron adunay koordinasyon ang GSCPO ngadto sa lokal nga panggamhanan og walay mamahimong problema.
Kalabot sa mga gabatikos kaniya, gibutyag ni Berango nga dili na niya patulan ang mga nasampit inay magpokus sa trabaho.
Iyaha na lamang ipakita sa taga GenSan kon unsa siya mutrabaho isip police officer.
Ug gani, gibutyag niini nga mas nindot nga adunay gabatikos aron mapasidan-an.
Samtang, gipanghimakak ni Berango nga wala giimbitahan si Kag. Geng Gacal atol sa turn over ceremony.
Lauman ang daghang kabag-uhan sa Camp Fermin G Lira sumala pa sa bag-ong dity PNP director.
