Gensan city PNP director, andam nga mailisan

GENERAL SANTOS CITY – Namahayag si P/Sr/Supt. Maximo Layugan nga andam siya kon inkaso nga ilisan sa bag-ong musunod nga mulingkod nga City Director sa GSCPO.

Gibutyag ni Col. Layugan, nagpaabot siya og kamanduan og kon hulipan gayud siya, wala siya’y mahimo og wala usab problema kaniya.

Apan gihingusgan sa nasampit nga gihimo niya ang tanang makaya sulod sa duha ka tuig nga panerbisyo.

Depende na matud pa sa mayor kon lugwayan o tangtangon siya pagka-City Director sa GSCPO.

Samtang, gibutyag ni Col. Layugan nga wala siyay impormasyon sa sunod nga mulingkod gawas pa nga wala usab pangalan nga gipagawas.

Nasayran nga karong Hunyo 6 na, magduha ka tuig sa pangatungdanan si Col. Layugan.