GENERAL SANTOS CITY – Dako ang impluwensya sa mga pulitiko sa nasud.
Kini ang giangkon ni Rodrigo Salansang sa Gensan Chamber of Commerce and Industry, kung asa gihimong ehemplo ang nahitabo kang outgoing DENR Sec. Gina Lopez nga giby-pass sa CA gumikan sa iyang hugot nga pagbagbag sa pagmina nga nakaguba sa kinaiyahan.
Matud ni Salansang nga sa iyang bahin, dili niya gusto ang pagmina nga ang kompanya ang wala gaamping ug gaprotekta sa kinaiyahan.
Samtang nakauyon si Salansang sa gihimo ni Senador Manny Pacquiao nga midepensa sa appointment ni Lopez nga nagpasabot kini nga gadapig sa pagprotekta sa kinaiyahan.
Samtang, hilabihang ka dismayado matud pa si City Councilor Lulu Casabuena sa nahimong pagbasura sa appointment ni Lopez sa pagka-kalihim sa DENR.
Sumala pa nga usa sa mga labing kugihan ug maayo si Lopez nga hugot ang pagpaningkamot ug may kasing-kasing alang sa pagpanalipod sa kinaiyahan nga maoy angayan alang sa posisyon.
Apan tungod mipatigbabaw matud pa ang personal nga interes sa mga tawo nga may koneksyon sa mining industry nga maoy hinungdan sa pagbasura sa appointment niini.
Kahinumduman nga nagduso ug resolusyon ang Sangguniang Panglungsod ug personal pang nahidangat didto sa kauluhan aron ipadangat ang pagsuporta alang sa kumpirmasyon ni Lopez sa pagka-DENR secretary.
