GENERAL SANTOS CITY – Gipaabot na sa Fatima Police Station ngadto sa Philippine Coconut Authority ang kalabot sa naharang nga tulo ka 6 wheelers truck nga napuno og coco lumber sa Prk. Suesa Brgy. Fatima ning dakbayan.
Nasuta nga wala makapakita ug mga dokumento sa kargamento ang mga drivers niadtong gabie nga akto nga gisikop.
Matud ni P/C/Insp. Nestor Maderse Jr, Chief of Police sa Fatima Police Station, kustodiya nila ang tulo ka truck og ang tulo ka driver niini luyo nga nakapresenta na og mga dokumento kagahapon. Gibutyag sa opisyal, angayan pa nilang ipaberepika ang mga dokumento sa PCA ilabina nga adunay parte niini walay pirma.
Sa pahayag pa ni Maderse, gikan ang truck sa Isulan Sultan Kudaat ug Maasim Sarangani ang mga truck kon asa ang kargang coco lumber ang i-deliver unta sa may bahin sa Brgy. Apopong ning dakbayan.
