GENERAL SANTOS CITY – Ipatawag ang chief of police sa tulo ka presinto sa dakbayan human nga nadakpang na tulog ang ilang desk officer samtang nagduty panahon sa kagabihon.
Kini ang gisiguro ni P/S/SUPT MAXIMO LAYUGAN, PNP City Director sa General Santos City Police Office human nga gipaabot sa Bombo Radyo sa opisyal ang maong insidente.
Matud ni Layugan, dili gayud angayang matulog ang desk officer panahon sa ilang duty.
Ang Desk officer, nagsilbing front line sa matag presinto kung asa sila ang muatubang kon adunay mureklamo..
Kahibaluan nga naabtan mismo sa Bombo Reporters atol sa paglibot sa Bombo Patrol ang pagkatulog sa mga desk officer sa San Isidro Police Station.
Ingon man nasaksihan usab ang pagkatulog sa desk officer sa Makar Police Station kon asa nagbukot ug habol nga kolor blue ug nakapalong pa ang suga samtang ang laing desk officer sa Tambler Police Station ang natulog usab ug nakaandar pa ang telebisyon.
