GENERAL SANTOS CITY – Andam ang tag-iya sa Maharlika 1 Beach Resort sa Brgy. Tambler ning dakbayan nga mutabang sa pamilya sa 5-anyos nga bata human kining nalumos niadtong Dominggo sa buntag.
Kahinumduman nga dead on arrival sa ospital ang biktimang si Christian Dave Flores human nga nalumos sa maong kaliguanan.
Nakadungog na lamang ug singgit gikan sa uban pang mga nangaligo ang mga ginikanan sa bata ug dihang ilang gisusi, nakit-an nga nalumos ang ilang anak og wala nay panimuot.
Gisulayan pa pagdala sa ospital ang bata apan nahunusan na kini sa kinabuhi.
Gibutyag nga gikan sa Esperanza Sulan kudarat ang pamilya sa bata ug nag-reunion sa maong kaliguanan.
Hinuon, gipasalig sa usa sa mga tag-iya sa maong beach resort nga mutabang sa pagpalubong sa bata.
