-- ADVERTISEMENT --
GENERAL SANTOS CITY – Mukabat sa P80,000 ang kantidad sa natala nga damyos human masunog ang duha ka panimalay sa Rodriguez Homes Prk 9, Brgy Conel ning dakbayan.
Base sa impormasyon gikan kang Senior Inspector Jeraniel Taporco sa Bureau of Fire-Gensan, giila ang mga tag-iya sa nasunog nga balay nga mao silang Roel Bueno ug Lilian Caña.
Natigayon ang insidente alas-11:15 kagahapon sa udto, kung asa miabot lamang sa first alarm.
Hinuon, walay natala nga nasamdan o namatay sa naasoy’ng insidente. Giimbestigahan pa kon unsa ang hinungdan sa nasampit nga sunog.
