GENERAL SANTOS CITY – Balhug ang tulo ka mga suspek human masikop sa gipatuman nga raid sa Drug Enforcement Agency kon PDEA-12, sa panimalay sa usa ka matud pa ka drug den maintainer sa Navarro Street, Purok Bagong Pag-asa, Barangay GPS, Koronadal City.
Base kini sa gipatuman nga search warrant may kalabutan sa pagsupak sa RA 9165 kon COmprehensive Dangerous Drugs Act of 2002.
Giila ang mga dinakpan nga silang Garry Jaspe, 35-anyos, usa ka vendor nga residente sa nasampit nga lugar; An-An Montejo, 36, usa ka waitress nga residente sa sa Catitipan, Brgy. Buhangin, Davao City; ug si Jhon Collado, 28 anyos, usa ka embalsamador nga residente sa Purok Libertad, Brgy. Poblacion, Sto. Niño, South Cotabato.
Narekober sa mga otoridad ang lima sachets sa shabu nga may gibug-aton nga 1.5 grams nga may estimated value nga P11,250; usa ka able nga sachet nga may shabu residue, ug mga drug paraphernalia.
Samtang nakasibat ang tag-iya sa panimalay ug den den maintainer nga si Alyasn Siro, human nakabantay sa presensya sa taga- PDEA.
Giandam na ang kasong paglapas sa Section 6 (Maintenance of a Den), Section 7 (Employee or Visitor of a Den), Section 11 (paghupot ug iligal nga droga), Section 12 (paghupot ug Drug Paraphernalia) ug Section 15 (kon paggamit ug iligal nga droga, sa RA 9165 kon RA 10591 batok sa nasampit nga mga dinakpan.
