GENERAL SANTOS CITY – Hangtod karon wala pay relocation site ang siyudad sa Heneral Santos.
Kini ang gihingusgan ni Atty Armand Clarin, city legal officer, kung asa gikabutyag nga kasamtangan pang gapangita ang lokal nga panggamhanan ug luna aron himuong relocation site.
Sumala pa nga padayon ang negosasyon sa lokal nga panggamhanan ngadto sa Pamilyang Pendatun.
Gikabutyag nga anaa karon sa Sangguniang Panglungsod ang pagtuki sa maong relocation site, ug adunay gipangita pa nga dokomento ang mga city councilors alang sa maong hisgutanan.
Dungan niini, gihingusgan usab ni Atty Clarin nga prayoridad karon sa gobyerno kadtong mga nagpuyo sa danger zone, UDHA law man o dili, ug unya na lamang kadtong mga maapetihan sa demolisyon.
Kahibaluan nga kagahapong adlawa sayo pa sa buntag, una mag- flag ceremony, nagsugod na ang militanteng grupo ug ubang residente sa Zone 2B Bula nga nagpahigayon og protesta sa atubangan sa City Hall.
Kini gumikan ang maong lugar ang gikatakda nang idemolish sa Abril 17, sunod adlaw’ng Lunes.
