GENERAL SANTOS CITY – Miangkon nga sayop ang pagtagu-an ug upat ka armas ang nagpangalan ug Muhammad Saliente nga taga Purok Maunlad Apopong ning dakbayan human makuhaan ug daghang matang sa armas human gisulod sa kapulisan ang iyang panimalay gamit ang search Warrant.
May lisensya matud pa ang caliber 45 pistol nga adunay 19 ka bala apan giangkon nga Illegal ang paghupot niini sa Uzi sub machine gun nga adunay lima ka bala, 9mm pistol nga may 25 ka bala ug shotgun nga adunay unom ka bala.
Ang naasoy matud pang mga armas ang kabilin sa namatay niining /amahan nga iya usab nga gitagu-an.Usa si Saliente sa target sa upat ka search warrant nga gipagawas ni RTC 35 Judge Oscar Noel.
Gibutyag ni Supt. Maximo Sebastian Jr. nga lakip nga gisulod sa kapulisan ang panimalay nilang Rasty Maliga Sanso, Abdul Ada Saliente, Satar Sapal, Satar Usman ug Al Draser Alem.
Nasuta nga nakuhaan ug caliber 45 pistol si Sapal samtang ang uban ang nagnegatibu sa druga ug armas.
