GENERAL SANTOS CITY – Gipamahayag ni DOH 12 Regional Director, Dr. Francisco Mateo nga dili angayang balewalaon ang paak sa hayop tungod wala matud pay tambal ang rabis.
Giklaro niini nga siento porsyento makamatay ang rabis sa panahon nga mugawas na ang mga sintomas sama sa pagkahadlok sa tubig og uban pa.
Apan giklaro usab ni Dr. Mateo nga mahimong malikayan ang rabis nga maoy ginahimo sa DOH sama sa pagduso sa responsableng pag-alima sa hayop, daling pagpakonsulta kung mapaakan ug hayop og hustong pagpabakuna.
Sa tuig 2016 nakatala ang DOH-12 og 17 nga kaso sa mga tawong napaakan og hayop nga adunay rabis partikular na ang iro og kapin o kulang napulo ang natala sa Enero hangtud Marso 2017 lamang kumpara sa napulo ka kaso kaniadtong 2015.
