GENERAL SANTOS CITY – Pasakaan gihapon og kaso sa kapulisan ang duha ka target human nga nakadagan sa gipahigayon nga buy bust operation sa Purok 11 Lanton Brgy Apopong ning dakbayan.
Giila ang mga nakasibat nga suspek nga silang Oscar Alil, 42-anyos og Bahad Odal, hamtong ang pangidaron, minyo, nga residente sa maong lugar.
Matud ni Police Senior Inspector Oliver Pauya, pakyas silang madakpan ang mga target human nga makaikyas sa operasyon.
Hinuon, pasakaan gihapon og kaso silang Alil og Odal pinaagi sa regular filing human nga nakumpiska ang mga ebidensiya.
Sama niini ang usa ka homemade OZ nga adunay magazine og upat ka buhing bala, usa ka sachet sa shabu og P1,000 buy bust money ingon man motorsiklo kulay pula og puti.
Matud ni Pauya, ipailawom sa imbestigasyon ang motorsiklo kung nalambigit ba kini sa transaksyon sa iligal nga droga o krimen..
