GENERAL SANTOS CITY – Gikumpirma na ni Polomolok Municipal Health Office Dr. Edwin Dipuz nga nahilabtan gayud ang singko anyos nga bata.
Kini human gipailawom sa pagsusi sa doctor ang patay nga lawas sa bata human makaplagan sa kapinyahan nga bahin sa Brgy. Palkan Polomolok, South Cotabato.
Matud ni Po3 Jhun Christel Escartin sa Womes and Childrens Desk nga sa adlaw nga Lunes na nila ipasang-at ang kaso batuk kang Benjamen Balasabas, 29 anyos nga residente usab sa maong dapit.
Kaso nga rape with homicide ang ipasaka batuk sa suspek.
Gisumite na sa kapulisan ang mga ebedinsya nga nakuha gikan sa suspek.
Kahinumduman nga nasikop ang suspek nga may dala nga sundang dihang nagresponde ang kapulisan padulong sa lugar kung asa nakit-ang patay ang bata.
May mga pat -ak pa sa dugo ang sapot niini ug samad kinamrasan ibabaw sa iyang ilong.
Una nang gibutyag sa kapulisan nga nanimaho pa ug marijuana ang suspek dihang ilang gidala sa presento.
