GENERAL SANTOS CITY – Gisaulog karong adlawa ang World TB day.
Gikumpirma ni Dr. Jacinto Makilang sa City Health Office nga matag Marso 24 adunay panagtigum nga ipahigayon.
Sugdan kini pinaagi sa motorcade nga lakipan sa mga civic organization, LGU, ug uban padulong sa usa ka Mall kung asa adunay ipahigayon nga programa ug libre nga konsultasyon.
Gikadugang ni Dr. makilang nga adunay daghang Doktor ang mupahigayon ug TB test sa kabataan nga adunay kinse anyos pataas.
Naa usab ang pagpahigayon ug hemoglotest alang niadtong regular nga TB patient hilabi na kadtong adunay sakit nga diabetes ang posebli nga takbuyan sa tubercolusis.
Usa sa mga ilhanan niini kadtong walay undang nga pag-ubo nga nasinati-an na ug halos duha ka semana nga adunay sagul nga pagpanakit sa lawas ang kinahanglan nga magpatan-aw sa Doktor.
