GENERAL SANTOS CITY – Nagpadayon ang gihimong pagsusi sa kapulisan sa ulahing pagpamusil patay sa gwardya sa mayor sa Tupi, South Cotabato.
Matud ni Police Instr. Bertito Delco, hepe sa Tupi Municipal Police station nga gisubay na ang ilhanan sa suspek mga mipusil patay kang Danny Buan, 56 anyos, molopyo sa Sitio Atbangan,Barangay Palian, Tupi.
Matud ni Delco nga ang biktima gwardiya ni Mayor Reynaldo Tamayo sa iyang sagingan sa lugar.
Gipusil ang biktima samtang nangape sulod sa iyang panimalay.
Nasuta nga bag-uhay lamang miabut ang biktima gikan naghatud sa iyang apo sa tulunghaan.
Dead on the spot ang biktima human makaangkon ug upat ka samad pinusilan.
Gikadugang pa ni Delco nga lakip nga giimbestigahan kung ang pagpamusil kang Bu-an may kalabutan sa pagpusil patay kang Dominador Malida miaging semana.
Kahinumduman nga si Malida ang usa sa tribal lider sa Pali-an nga gipusil sulod sa billiard hall sa lugar.
