GENERAL SANTOS CITY –Napasakaan na ug kaso sa pagsupak sa RA 10591 kon Comprehensive Firearms and Ammunition Regulation Act ang duha ka tawo nga nakuhaan ug duha ka caliber 45 pistol sa Guinto Ranch sa Banualan Tambler ning dakbayan.
Silang Tony Alao 43, anyos residente sa Upper Banualan Upper Tambler ug Dong Alis 43 anyos nga taga Aspang San Jose ang nasakpang naghupot ug pistola ug mga bala atul sa pagpahigayon ug search operation miaging adlaw sa kapulisan sa dakbayan.
Luyo nga nagpadayon ang gihimong imbestigasyon padayon nga gikustudiya sa kapulisan ang duruha.
Target ang duruha sa 19 ka Search Warrant nga giisyu ni RTC 23 Judge Dennis Velasco aron susihon ang Hacienda Espina ug Guinto Ranch ang mga lugar nga giingon nga gipuy-an sa mga tawo nga nagtago ug armas.
