GENERAL SANTOS CITY- Desidido ang usa ka high school teacher nga kasuhan ang kauban niining magtutudlo human matud pa siya niini gisagpa sa wala masayring rason.
Giila ang reklamante nga si Ma’am Jamie Villamor, 27 anyos, samtang ang iyang gireklamo giilang si Ma’am Marjorie Nacional, 47 anyos.
Ang duruha ang managsamang magtutudlo sa Lagao National High School sa Brgy San Isidro ning dakbayan.
Midangop si Ma’am Villamor sa San Isidro Police Station ug gipatala sa kapulisan nga matud pa, alas-2:00 kagahapon sa hapon, miduol kaniya si Ma’am Nacional nga nagdala ug stick ug mi-aksyon nga bunalan siya.
Maayo na lamang matud pa nga nakadagan siya, apan subli siyang giduulan sa nasampit ug gisagpa sa a ping.
Gawas niini, giaksyunan matud pa siya nga bunalan ug sandal apan nakalikay siya.
Kini ang rason nga gireklamo sa nahisgutang magtutudlo ang kauban niyang teacher aron makasuhan kini.
