GENERAL SANTOS CITY – Bisag unsang orasa mamahimong ma-demolish ang mga ga-okopa sa Hacienda Espina.
Kini ang gihingusgan ni Mary Ann Bacar, labaw sa City Housing and Land Management Office, kung magpagawas na ug kamanduan ang korte.
Matud pa sa nasampit nga opisyal, walay matigayon nga pakig-estorya tali kanila ug ngadto sa mga nag-okupa gumikan dili sila lakip sa UDHA Law.
Samtang, nagpaklaro usab si Bacar kalabot sa gihimo sa siyudad nga pagtangtang sa mga signages sa kadalanan sa Brgy Labangal miaging semana.
Sumala pa nga wala nila gi-single out ang mga Olarte, ug gani, pipila sa mga signages nga gitangtang ang gipanag-iyahan sa mga pribadong institusyon, apan nahimutang sa road right of way hinungdan nga gitangtang gayud.
Dungan niini, gihingusgan ni Bacar nga ligal ang gihimo sa siyudad miaging semana mao ang pagtangtang sa mga illegal structures sa road right of way.
Matud pa nga nakuratan sila human nadunggan nga kasuhan sila ug theft sa kampo sa Olarte, apan andam matud pa ang siyudad nga atubangon kini kon kasuhan gayud sila sa mga nasampit.
