GENERAL SANTOS CITY – Gipangputol, gipang-ibut ug gipangtang-tang sa ginsakpan sa kapulisan sa syudad ang tanang matang sa signages nga nahimutang sa daplin sa dalan gikan sa sentro sa dakbayan paingon sa mga Barangay sa Labangal og Apopong.
Tumong niini aron malimpyuhan ang kadalanan human namatikdan nga daw susama sa panahon sa election ang pagbutang niini sa kadalanan.
Nagdala pa ug acythelane tank ang kapulisan aron gamiton pagputol sa dagkong tubo ug puthaw nga gigamit aron kabutangan sa mga signboards.
Lakip gikuha sa clearing operations ang mga gipatindog nga sign board nilang Rodrigo Olarte sa entrada nga bahin sa Doña Soledad ug sa ubang bahin s a national highway sa Labangal.
Nakita usab nga migawas sa gibutang nga balay-balay ang mga supporters ni Olarte dungan sa kabalaka nga magpahigayon na ug demolisyon tungod sa hilabihan kadaghan nga pulis ang mikuyog sa demolition team.
Gipaklaro ni Supt. Lauro Espida ang tigpamaba sa General Santos City Police Office nga ang clearing operation dili alang sa mga supporters ni Olarte nga nagbutang ug balay-balay sa Labangal.
