GENERAL SANTOS CITY – Masulayan kung aduna ba gayoy kontrol ang CPP-NDF ngadto sa NPA kung sundon ang kamanduan nga buhian ang duha ka sundalo nga ilang gibihag didto sa Barangay Telafas, Columbio, Sultan Kudarat.
Gibutyag ni Lt. Silver Bilbes , tigpamaba sa 39th Infantry Battallion sa Philippine Army sa Bombo Radyo nga galaum sila karon nga sundon sa NPA ang maong kamanduan nga nigawas subay sa usa ka report nga ilang nadunggan nga matud pa buhian silang Sgt. Samuel Garay og Private First Class Solaiman Calocop.
Hinuon, walay nasulti nga ensaktong petsa kung kanus-a buhian ang duha ka sundalo.
Galaum si Lt. Bilbes nga anaa sa maayong kahimtang silang Sgt. Garay og PFC Calocop luyo nga audio recording lamang sa tingog sa duha ang ilang nadunggan og walay nakit-ang video aron magpamatuod nga buhi pa ang mga nasaampit.
Lakip matud pa sa maong audio recording ang panawagan sa NPA nga ihunong ang operasyon sa miitar sa Colombio.
