GENERAL SANTOS CITY- Mukabat na sa 75 porsyento ang gipahigayon nga Internal cleansing sa kapulisan sa rehiyon dose.
Gibutyag ni Police Chief Supt. Cedric Train nga nagmugna ug desciplinary audit committee aron usa-usahon ang pagtan-aw sa record sa 600-mil ka mga pulis sa rehiyon.
Gipaniguro niini nga masilutan ang mga badlungon nga sakop.
Gikadugang sa maong opisyal nga aduna nay napahamtangan ug sanction, dismissal, penalty, demotion samtang gipapaspasan ang dagan sa kaso.
Giangkon usab niini nga kasamtangan walay seryoso nga kaso nga nahimo ang iyang mga sakop.
Kahinumduman nga niadtong Hulyo gipahunong ni Police Director General Ronald de la Rosa ang kampanya kontra druga ug gimando nga magpahigayon ug internal cleansing sa iyang mga sakop.
