GENERAL SANTOS CITY- Gipalubong na lamang sa kapulisan ang tawo nga nakotkotan sa plantasyon sa pinya sa Maligo, Polomolok South Cotabato.
Gikumpirma ni Police Sr. Instr. Hernan Gabat sa Polomolok Municipal Police Station nga nagdesisyon na lamang ang taga punerarya nga ipalubong ang wala mailhan nga lalaki nga adunay duha ka samad pinusilan.
Nasuta nga usa ka semana na dihang makobkoban ang biktima sa kapinyahan sa nasampit nga lugar human makit-an ang lubong sa duha ka babaye nga trabahante sa kapinyahan.
Matud ni Gabat nga daghan ang miadto sa punerarya aron tan-awon ang naasoy nga lalaki apan walay nakaila kaniya.
Gilikayan usab sa tag-iya sa punerarya nga mureklamo ang mga silingan sa lugar gumikan sa pagtiner sa nahisgutang patay.
Hinuon gipaniguro sa kapulisan nga may record nga gihuptan ang Municipal Social Welfare and Dev’t sa Polomolok kalabutan sa ilhanan sa maong tawo.
