GENERAL SANTOS CITY- Gikumpirma ni Anton Maganto ang tigpamaba sa Deped-12 nga nagpagawas og memorandum ang Deped Central Office kalabutan sa moratorium sa field trip human ang Tanay tragedy nga nadisgrasya ang gisakyang bus sa mga estudyante nga nagfield trip.
Matud pa ni Maganto nga ang moratorium ang hangtud ngadto sa Hunyo 2017.
Nagpasabot kini nga walay mahitabo nga field trip una ngadto sa mga pampublikong tulunghaan sa elementarya hangtud sa high school.
Gumikan niini lauman nga may ipagawas nga guidelines ang Deped Central Office kung unsa man ang mga angayang himoon sa field trip aron masiguro nga luwas ang mga estudyante.
Gipaklaro ni Maganto nga ang field trip ang dili mandatory og dili usab basehan nga dili maka-graduate ang usa ka estudyante
Samtang gipaklaro niini nga dili pwede manghunaw ang tulunghaan nga walay tulubagon sa mga estudyante kung may mahitabo atol sa field trip.
Ang maong kamanduan ang migawas human nga naaksidente ang bus nga gisakyan sa mga nagfield trip nga estudyante didto sa Tanay nga adunay namatay.
