GENERAL SANTOS CITY – Nakapasa na sa ikaduhang pagbasa sa Konseho ning dakbayan ang pagsaulog sa City Charter Anniversary sa matag Hunyo 15 ug dili sa Septembre 5.
Matud kay City Councilor Franklin Gacal Jr nga pinasibu sa RA 5412 nahimong syudad ang GenSan kaniadtong Hunyo 15 tuig 1968.
Gusto lamang ni Gacal nga tul-iron ang dakong sayop nga kasaulogan tungod matag Septembre 5 dungan nga gisaulog ang Charter Anniversary ug Tuna Festival.
Matud niini nga ang Septembre 5 dili Charter Anniversary kundi ang petsa sa pag-ari ni kanhi Pangulong Ferdinand Marcos aron inagurahan ang kamugnaan sa dakbayan.
Hinungdan sa maong petsa angayan nga magdeklara ang Mayor ug Executive order aron ideklara nga walay trabaho sa maong petsa ug dili magpaabut ug kamandu-an gikan sa Malakanyang aron ilhon ang maong adlaw.
Lakip gisogyot ni Kagawad Gacal nga saulogon sa Hunyo 15 ang Yaman Gensan nga usa sa labing gamay nga aktibidad sa dakbayan.
